• Zabaldu FacebookenZabaldu Twitter-enInprimatu albistea
    2014, irailak 16

    Udalbiltzak eta Kontseiluak bi entitateek sinatutako lankidetza hitzarmen bat aurkeztu dute gaur. Haren ondorioz, Euskal Herriko Garapen eta Kohesio Fondoak 10.000 euro emango dizkio Kontseiluari, Hizkuntz Eskubideen Behatokiaren bitartez lana gauza dezan. Udalbiltzak, gainera, udaletara igorriko ditu biltzen dituen kexak, udal arloari badagozkio.

    Udalbiltzak udaletan kudeatuko ditu  euskararen telefonoan bildutako kexak

    Behatokiak, urteko txostenean, hizkuntz eskubideen egoeraren diagnostikoa egiten du herritarrek euskararen telefonoaren bidez bidalitako kexak azterturik. Orobat, bilerak egiten ditu zenbait erakunderekin, txostenaren ondorioez hitz egiteko.

    Behatokiak, bada, txosten berariazko bat aurkeztu dio Udalbiltzari, toki administrazioei dagokienez 2013an jasotako kexak biltzen dituena, eta udaletan herritarren hizkuntz eskubideak bermatzerakoan antzemandako gabeziak adierazten dituena. Beraz, txosten hori lan tresna garrantzitsua da udaletako hautetsientzat, toki administrazioan euskararen normalizazioaren aldeko lana aztertzen eta hobetzen lagunduko baitu.

EUSKARAREN TELEFONOA

Zure hizkuntza-eskubideak urratzen badituzte, jarri gurekin harremanetan

Banerrak